26
അതി ശക്തമായൊരു താഡനം എന്നെ ദൂരേക്ക് തെറിപ്പിച്ചു കളഞ്ഞു .., അപ്രതീക്ഷിതമായ ആ ആക്രമണത്തിൽ നിന്നും മുക്തനാകാൻ കഴിയാതെ രണ്ടു നിമിഷത്തോളം ഞാൻ തറയിൽ തന്നെ കിടന്നു പോയി ...!, പതുക്കെ തലയുയർത്തി നോക്കിയ എനിക്കു മുന്നിൽ ആകാശത്തോളം ഉയരത്തിൽ ഭീമാകാരനായൊരു ആൾക്കരടി ...!
അത്രയും വലുപ്പമുള്ള ഒന്നിനെ ഞാൻ എന്റെ ജീവിതത്തിൽ ആദ്യമായി കാണുകയായിരുന്നു ...!, ഇരയുടെ നേർക്ക് .., വായ് പിളർന്നു ..; മുരണ്ടുകൊണ്ട് .., മുന്നോട്ട് വരുന്ന അതിനെ കണ്ടപ്പോൾ എന്റെ കരളുറഞ്ഞു പോയി ..!
ഞാൻ കടലിലേക്ക് നോക്കി .., ആ പായ്ക്കപ്പൽ മുന്നോട്ട് പോയിക്കൊണ്ടിരിക്കുന്നു .., എന്റെ അവസാന ആശ്രയമാണത് ...!ഈ ദ്വീപിൽ നിന്നും രക്ഷപ്പെടുന്നതിനുള്ള ഏക മാർഗ്ഗം..!, പക്ഷേ ..., ഈ കരടി ...!
ജീവിതത്തിനും മരണത്തിനും ഇടയിൽ അകപ്പെട്ട നിർഭാഗ്യവാനേപ്പോലെ .., ഞാൻ ഹതാശയനായിത്തീർന്നു ...!, എന്താണ് ചെയ്യേണ്ടതെന്ന് എനിക്ക് ഒരു എത്തും പിടിയും കിട്ടുന്നില്ല ..!
ഈ ക്രൂര മൃഗത്തോട് എതിരിട്ടു നിൽക്കുന്നത് ശുദ്ധ മടയത്തരമാകും ..!, ആ പായ്ക്കപ്പൽ ഈ തീരത്ത് നിന്നും അകലുന്നതിനു മുൻപായി അവരുടെ ശ്രദ്ധ എന്നിലേക്ക് ആകർഷിക്കുകയും വേണം ..!
അനാവശ്യമായി ഈ ജന്തുവിനോട് ഏറ്റുമുട്ടി സമയം കളയുന്നതിലും പ്രധാനം ..; ഇവിടെ നിന്നും എങ്ങിനെയെങ്കിലും രക്ഷപ്പെടുക എന്നുള്ളതാണ് ..!, തീരത്ത് ഞാൻ ഭക്ഷണം പാചകം ചെയ്യുന്നതിനും .., ചൂട് കായുന്നതിനും വേണ്ടി തയ്യാറാക്കിയിട്ടുള്ള അഗ്നികുണ്ടം ഒന്ന് ആളിക്കത്തിക്കാനായാൽ ..; ഒരു പക്ഷേ .., ആ കപ്പലിൽ ഉള്ളവരുടെ ശ്രദ്ധയെ എന്നിലേക്ക് ആകർഷിക്കുവാൻ കഴിഞ്ഞേക്കും ...!
എന്നാൽ..., എനിക്ക് എങ്ങിനെയാണ് ഈ ജന്തുവിന്റെ കണ്ണ് വെട്ടിച്ച് തീരത്ത് എത്തിച്ചേരാൻ കഴിയുക ..?
എന്റെ മുന്നിൽ രണ്ടു മാർഗ്ഗങ്ങൾ ആണ് ഉള്ളത് ...!, ഒന്ന് ഏകദേശം നൂറ്റി അമ്പത് അടിയോളം ഉയരമുള്ള .., കുഴുക്കാം തൂക്കായ ഈ പാറക്കെട്ടിൽ നിന്നും സമുദ്രത്തിലേക്ക് എടുത്തു ചാടുക ..!, ലക്ഷ്യമൊന്നു പിഴച്ചാൽ .., പാറക്കെട്ടുകളിലേക്കായിരിക്കും എന്റെ ശരീരം കൂപ്പു കുത്തുന്നത് ..!
മറ്റൊരു മാർഗ്ഗം .., എങ്ങിനെയെങ്കിലും ഈ മൃഗത്തിന്റെ കണ്ണു വെട്ടിച്ച് .., കാട്ടിൽ കൂടി തീരം ലക്ഷ്യമാക്കി ഓടുക ..!എന്നാൽ എന്നേക്കാൾ കായിക ബലമുള്ള അതിന് .., എന്റെ വേഗത്തെ അതിജീവിക്കാവുന്നതേയുള്ളൂ ..! ഒരു പക്ഷേ .., ഒരൊറ്റ കുതിപ്പിനു തന്നെ .., അതിന് എന്റെ മേൽ ചാടി വീഴാം .., ഇനി കബളിപ്പിച്ചാൽ തന്നെ ..; ഞാൻ തീരത്തേക്ക് ഓടി എത്തുമ്പോഴേക്കും ആ കപ്പൽ ദ്രിക്ഷ്ട്ടി പഥത്തിൽ നിന്നും മറയുവാനുമുള്ള സാദ്ധ്യതകൾ ഏറെയാണ് ..!
ഏതുനിമിഷവും എന്റെ മേൽ ചാടിവീഴാൻ തയ്യാറെടുത്തുകൊണ്ട് .., ആ ഭീമാകാരമായ കരടി നീങ്ങുന്നതിന് അനുസ്രതമായി ഞാൻ പതുക്കെ പതുക്കെ പിന്നിലേക്ക് ചുവടുകൾ വെച്ചു..!
അവസാനം ഇനി പിന്നിലേക്ക് കാല്പാദം വെക്കാൻ ഇടമില്ലാതെ ..; ആ ചെങ്കുത്തായ പാറയുടെ മുകളിൽ കാലുകൾ ഉറപ്പിച്ച് ഞാൻ നിന്നു ..!
പിന്നിൽ അഗാധമായ താഴ്ച്ചയിൽ സമുദ്രം അലയടിക്കുന്നു .., മുന്നിൽ ഭീമാകാരനായ ആ മൃഗം എന്റെ നേരെ നടന്നടുക്കുന്നു ..!, അതിന്റെ ചലനത്തിൽ നിന്നും ശ്രദ്ധ തിരിക്കാതെ തന്നെ ..; താഴേക്കുള്ള ദൂരവും .., തൽസ്ഥിതിയുമായി ഞാനൊരു താരതമ്യ പഠനം മനസ്സിൽ നടത്തി ..!, എന്റെ ചാട്ടം അല്പമൊന്നു പിഴച്ചാൽ ..,താഴെയുള്ള പാറക്കെട്ടുകളിൽ ഇടിച്ച് .., എന്റെ ശരീരം ഛിന്ന ഭിന്ന മായിത്തീരും ..!
ഇര രക്ഷപ്പെടാൻ ശ്രമിക്കുകയാണെന്നുള്ള തിരിച്ചറിവോ .., അതോ മറ്റെന്തോ .., ഒരു മുരൾച്ചയോടെ അതെന്റെ നേർക്ക് കുതിച്ചു ചാടി ..; അതെ നിമിഷാർദ്ധത്തിൽ തന്നെ അന്തരീക്ഷത്തിലൊരു മലക്കം മറിഞ്ഞ് ..., വലത്തു വശത്തേക്ക് ശരീരത്തെ അല്പമൊന്ന് വെട്ടിച്ച് ഞാൻ താഴേക്ക് കൂപ്പുകുത്തി ..!
എനിക്ക് നേരെയുള്ള ചാട്ടം പിഴച്ച ആ ജന്തു ..; ഭൂമിക്കും അന്തരീക്ഷത്തിനും നടുവിൽ ഒരു നിമിഷം തങ്ങി നിന്നതിനു ശേഷം ..; ഒരു മോങ്ങലോടെ എന്റെ ലംബ ദിശയിൽ താഴേക്കു പതിച്ചു ..!
സമുദ്രത്തിന്റെ അഗാധതയിൽ നിന്നും കുതിച്ചുയർന്ന ..; ഞാൻ കണ്ടത് .., പാറക്കെട്ടുകൾക്കിടയിൽ വീണ് ശരീരം ഛിന്ന ഭിന്നമായിക്കിടക്കുന്ന ആ ജീവിയെയാണ് ..!
തല തിരിച്ച് .., ആ പായ്ക്കപ്പലിനെ നോക്കിയ ശേഷം .., ഞാൻ തീരം ലക്ഷ്യമാക്കി ആഞ്ഞു നീന്തി ..!, ഏതാനും നിമിഷത്തെ അശ്രാന്ത പരിശ്രമത്തിനൊടുവിൽ .., ചുള്ളിക്കമ്പുകളും.., കരിയിലകളും വാരിയിട്ട് ഞാനാ കനലിനെ ഒരു അഗ്നികുണ്ടമാക്കിത്തീർത്തു ...!
ആകാശത്തോളം ഉയരുന്ന തീ ജ്വാലകൾക്ക് മുന്നിൽ നിന്ന് ഉന്മാദം ബാധിച്ചവനേപ്പോലെ അലറിക്കൊണ്ട് .., ഞാൻ നൃത്തം ചവിട്ടി ...!
അലർച്ചകൾക്കും .., ഓരിയിടലുകൾക്കും ഒടുവിൽ .., ഞാൻ ആ പായ്ക്കപ്പലിനെ നോക്കി .., എന്നാൽ അത് അപ്പോഴും അങ്ങകലെ തന്നെ ആയിരുന്നു ..!, എന്റെ പ്രയത്നങ്ങൾക്കും .., പരിശ്രമങ്ങൾക്കും .., അവരുടെ ശ്രദ്ധയെ ആകർഷിക്കുവാൻ കഴിഞ്ഞില്ലെന്ന് മനസ്സിലായപ്പോൾ .., അലറിക്കൊണ്ട് നിരാശയോടെ ..; ഞാനാ മണലിലേക്ക് കമിഴ്ന്നു വീണു ..!
എന്റെ ജീവിതം ഈ ദ്വീപിൽ കിടന്ന് അവസാനിക്കുകയേ ഉള്ളൂ എന്ന് എനിക്കുറപ്പായി.., അതിലും കൂടുതൽ എന്നെ അലട്ടിയ ചിന്ത .., എന്റെ പ്രിയപ്പെട്ടവളുടെ അടുത്തേക്ക് എനിക്ക് എത്തിച്ചേരാൻ സാധിക്കില്ലല്ലോ എന്നതായിരുന്നു ...!
പൂഴിയിൽ മുഖം അമർത്തി .., ഞാൻ വാവിട്ടു കരഞ്ഞു .., അതിനിടയിലും ഞാൻ സീതേ .., സീതേ .., എന്ന് ഉറക്കെ വിളിച്ചു കൊണ്ടിരുന്നു ...!
ആ ക്ഷീണത്തിനൊടുവിൽ .., എപ്പോളോ ഞാൻ മയങ്ങിപ്പോയി ...!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ