പടയാളികളുടെ അലർച്ചകൾ കാതുകളിൽ മുഴങ്ങുന്നു ....!
''അങ്ങാണ് പടക്കുറുപ്പ് ..., അങ്ങാണ് പടത്തലവൻ ...''!, ആ അലർച്ചകൾ എന്റെ ശരീരത്തെ പ്രകമ്പനം കൊള്ളിക്കുന്നു ...!
പഠിച്ചെടുത്ത അടവുകൾ ക്ഷണനേരത്തിൽ ശരീരത്തെ സജ്ജമാക്കി ..!, ആറാം ഇന്ദ്രീയം ഉണർന്നു ....!കണ്ണുകൾ സൂക്ഷ്മങ്ങളായി ....!, കാതുകൾ ജാഗരൂഗങ്ങൾ ആയിത്തീർന്നു..! ചുറ്റുപാടും ഞാനൊന്നുകൂടി കണ്ണോടിച്ചു ...!, നരഹത്യ കോമാളിത്തരമാക്കി മൂന്നുപേർ എന്റെ മുന്നിൽ നിൽക്കുന്നു .., അതിലൊരുവന്റെ തോക്കിൻ കുഴൽ എന്റെ നെറ്റിയോട്‌ ചേർന്നും ...!
കൊള്ളക്കാരുടെ തലവനടക്കം മറ്റു രണ്ടുപേർ കപ്പലിന്റെ ഒരു വശത്ത്‌ കടലിലേക്ക് നോക്കി നിൽക്കുന്നു ...!, രണ്ടു പേർ കപ്പലിന്റെ മുൻഭാഗത്തും .., രണ്ടു പേർ പിൻഭാഗത്തുമായി നിൽക്കുന്നുണ്ട് ..! ബാക്കിയുള്ളവർ കപ്പലിന്റെ ഉൾഭാഗത്ത് തിരച്ചിൽ നടത്തിക്കൊണ്ടിരിക്കുകയാണെന്ന് തോന്നുന്നു ...!
അടുത്ത നിമിഷം ഒരു അട്ടഹാസത്തോടെ അയാൾ എന്റെ മുഖത്തേക്ക് ആഞ്ഞു തുപ്പി .., ചവച്ചു തുപ്പിയ ആ ലഹരി എന്റെ മുഖത്തു പതിച്ചു .., അതാണ്‌ വെടിയുതിർക്കുന്നതിനു മുൻപുള്ള അടയാളം ..!
ക്രൂരമൃഗങ്ങളുടെ കണ്ണുകളിൽ പോലും കാണാൻ സാധിക്കാത്ത അത്രയും കുടില ഭാവം ആ കണ്ണുകളിൽ നിന്ന് ഞാൻ വായിച്ചെടുത്തു ...!
നിമിഷങ്ങൾ മാത്രം ..., ആ വിരലുകൾ തോക്കിൻ കാഞ്ചിയിൽ അമരുന്നതിനു മുന്നോടിയായുള്ള ..; ആ ഒരേ .., ഒരു നിമിഷം .., ഞാനൊരു സിംഹത്തെപ്പോലെ ഗർജ്ജിച്ചു .., അതേ സമയത്തിൽ തന്നെ എന്റെ ഇടതുകൈ .., ആ തോക്കിൻ കുഴലിന്റെ ഗതി മാറ്റുകയും .., വലതുകൈ ഒരു സീൽക്കാരത്തോടെ അതിശക്തമായി അയാളുടെ മൂന്നാം മർമ്മത്തിൽ പതിച്ചതും ഒരേ നിമിഷാർദ്ധത്തിൽ തന്നെയായിരുന്നു ..!
ഒന്ന് അലറിക്കരയുവാൻ പോലും സമയം കിട്ടുന്നതിനു മുൻപ് ...., വായ്‌ തുറന്നുപോയ അയാളുടെ ഉള്ളിൽ നിന്നും കട്ട രക്തം പുറത്തേക്ക് തള്ളിയിറങ്ങി .., വിറച്ചു കൊണ്ട് കുനിഞ്ഞു പോയ അയാൾ അങ്ങിനെ തന്നെ താഴേക്കു വീണു ...! ഞെട്ടിത്തരിച്ചു പോയ മറ്റു രണ്ടുപേർക്കും ഒന്ന് ചിന്തിക്കാൻ പോലും അവസരം ലഭിക്കുന്നതിനു മുൻപേ ...; അന്തരീക്ഷത്തിലേക്ക് കുതിച്ചുയർന്ന എന്റെ കൈയ്യിൽ .., ചത്തുവീണവന്റെ അരപ്പട്ടയിൽ നിന്നും ഊരിയെടുത്ത വാളുമുണ്ടായിരുന്നു ...!
ഒരു സീൽക്കാരത്തോടെ അന്തരീക്ഷത്തിൽ അതൊന്നു പുളഞ്ഞു ..!, ഞെട്ടറ്റ ശിരസ്സുകളിൽ നിന്നും രക്തം പൂക്കുല പോലെ ചിതറി ...., അടുത്ത നിമിഷത്തിൽ അവരുടെ ശരീരങ്ങളിൽ നിന്നും ഊരിയെടുത്ത കഠാരകൾ അന്തരീക്ഷത്തിൽ ഒരു മൂളൽ ഉതിർത്തു ചീറിപ്പാഞ്ഞു ...!, കപ്പലിന്റെ വാൽഭാഗത്തുണ്ടായിരുന്ന രണ്ടുപേർ .., ഒരു ആർത്തനാദത്തോടെ കടലിലേക്ക് നിപതിക്കുന്നത് ഞാൻ കണ്ടു ..!
എന്റെ അപ്രതീക്ഷിത ആക്രമണത്തിൽ പരിഭ്രാന്തരായ കടൽ കൊള്ളക്കാരുടെ തലവനും .., മറ്റൊരുവനും തോക്ക് ചൂണ്ടിക്കൊണ്ട് എന്റെ നേരെ പാഞ്ഞടുത്തു ...!, പക്ഷേ .., അതിനകം തന്നെ എന്റെ പ്രത്യാക്രമണത്തിൽ ഉത്തേജനം ലഭിച്ച അടിമകൾ അവരെ കീഴ്പ്പെടുത്തി കഴിഞ്ഞിരുന്നു .., ഒന്ന് പ്രതികരിക്കാൻ സാധിക്കുന്നതിനു മുൻപുതന്നെ ആ ഏഴുപേരും വീണു കഴിഞ്ഞിരുന്നു ..!
ഇതിനിടയിൽ ഞാൻ കപ്പലിന്റെ ക്യാപ്റ്റനെ ബന്ധന വിമുക്തനാക്കി .., നന്ദി സൂചകമായി ആ കണ്ണുകളിൽ ഒരു തിളക്കം ഞാൻ കണ്ടു ...!, ഒന്ന് വീണുപോയ ആ കപ്പിത്താൻ വേച്ചു കൊണ്ട് എഴുന്നേറ്റപ്പോൾ ..; കൊള്ളക്കാരിലോരുവന്റെ കൈയ്യിൽ നിന്നും വീണുപോയ ഒരു തോക്കുമുണ്ടായിരുന്നു ...!അതൊന്നു തീ തുപ്പി .., ഉച്ചത്തിലുള്ള ആ വെടി ശബ്ദത്തിൽ ഞാനടക്കം എല്ലാവരും വിറച്ചു പോയി ...!
അടിമകൾ എല്ലാം ഭയ വിഹ്വല്ലരായി ഒരു മൂലയിലേക്ക് പതുങ്ങി ...!, ഒരു ഞരക്കത്തിനോടുവിൽ കൊള്ളക്കാരുടെ തലവനെന്ന് തോന്നിക്കുന്നവന്റെ ശരീരം നിശ്ചലമായി .., കൃത്യം ശിരസ്സിലേറ്റ ആ വെടിയുണ്ട അയാളുടെ തല തകർത്തു കളഞ്ഞിരിക്കുന്നു ..!
വെടി ശബ്ദങ്ങളും ആർത്തനാദങ്ങളും അവരുടെ കൂട്ടാളികളെ കൂടി മുകളിലേക്ക് എത്തിച്ചു വെങ്കിലും .., ചത്തു കിടക്കുന്ന തലവനേയും .., മറ്റുള്ളവരേയും കണ്ടപ്പോൾ ..; ഒരു എതിർപ്പിനു പോലും നിൽക്കാതെ .., അവരെല്ലാം കടലിലേക്ക് എടുത്തു ചാടി ...
ഞാൻ ശരിക്കും അവശനായിക്കഴിഞ്ഞിരിക്കുന്നു ..., ശരിയായ രീതിയിലുള്ള ഭക്ഷണത്തിന്റെ അഭാവവും .., നീണ്ട കടൽ വാസവും .., അപ്രതീക്ഷിത പ്രതിസന്ധികളും ..., എല്ലാം കൂടി ചേർന്ന് ..; എന്റെ ആരോഗ്യത്തെ വളരെയധികം ചോർത്തിക്കളഞ്ഞിരിക്കുന്നു ..!
തളർന്നു കഴിഞ്ഞ ഞാൻ കപ്പലിലേക്ക് നിരങ്ങി വീണു .., !, അടഞ്ഞു പോകുന്ന കണ്‍പോളകൾക്കിടയിലൂടെ .., അവ്യക്തമായ രൂപങ്ങൾക്കിടയിൽ ..; എന്റെ നേർക്ക് നടന്നു വരുന്ന തോക്ക്ധാരിയായ കപ്പിത്താനെ ഒരു മൂടൽ മഞ്ഞു കണക്കെ ഞാൻ കണ്ടു ..!
31
ഒരട്ടഹാസത്തോടെ എന്നെ പിടിച്ച് എഴുന്നെല്പ്പിച്ച് ആശ്ലേഷിച്ചുകൊണ്ട് ..; ആ ക്യാപ്റ്റൻ അലറിപ്പറഞ്ഞു ..!
''Your a brave man....! Your a brave man...!
You saved my life....! You saved my life..., Your my Brother....!''
എന്നെ കെട്ടിപ്പിടിച്ചുകൊണ്ട് ആ നാവീകൻ കരയുകയാണ് ....!
രാജകീയമായി മാറിക്കഴിഞ്ഞിരിക്കുന്നു എന്റെ വാസം ..!, ആ സംഭവത്തോട് കൂടി ക്യാപ്റ്റന്റെ ഏറ്റവും പ്രിയപ്പെട്ടവനായി ഞാൻ മാറിക്കഴിഞ്ഞിരിക്കുന്നു ...!അവരുടെ ജീവനും .., കപ്പലും .., സ്വത്ത് വകകളും സംരക്ഷിച്ച ..., ഞാൻ അവരുടെ ഇടയിൽ ഒരു നായകനായി മാറിക്കഴിഞ്ഞിരിക്കുന്നു ..!
എല്ലാ മുഖങ്ങളിലും ആരാധന ഭാവം .., ബഹുമാനപുരസ്സരമുള്ള പെരുമാറ്റം ..!
ദിവസങ്ങൾ കൊഴിഞ്ഞു പോയിക്കൊണ്ടിരുന്നു ..!, ഓരോ ദിവസവും കഴിയും തോറും ഞങ്ങളുടെ സുഹ്രദ്ബന്ധം കൂടുതൽ കൂടുതൽ ദ്രിഡമായി വളർന്നു ...! ആ കപ്പലിൽ ക്യാപ്റ്റനോട്‌ സമാനമായ രീതിയിലുള്ള എല്ലാവിധ സൌകര്യങ്ങളും എനിക്ക് ലഭ്യമായിരുന്നു ..!, വിശാലമായ മുറി .., സുഭിക്ഷമായ ഭക്ഷണം .., അങ്ങിനെ എല്ലാം തന്നെ ..!, പരസ്പരമുള്ള ആശയവിനിമയം ഒന്ന് മാത്രമായിരുന്നു ഞങ്ങൾ നേരിട്ട ഏക വൈഷമ്യം ...!
ആദ്യമൊക്കെ ആംഗ്യ ഭാഷയിൽ കൂടിയാണ് ഞങ്ങൾ ആശയവിനിമയം നടത്തിയിരുന്നത് ..; അതിന്റെ കൂടെ ഹെന്റിയിൽ നിന്നും പഠിച്ചെടുത്തിരുന്ന ചില മുറിവാക്കുകളും ഞാൻ ഉപയോഗിച്ചു....!
എങ്കിലും .., ക്യാപ്റ്റന്റേയും .., എന്റേയും കഠിന പരിശ്രമം കൊണ്ട് കുറച്ചു ദിവസങ്ങൾക്കുള്ളിൽ തന്നെ ഞാൻ അല്പാല്പം ആംഗലേയ ഭാഷാ പരിജ്ഞാനം സ്വായത്തമാക്കാൻ തുടങ്ങിയിരുന്നു...!
ഞാനീ കപ്പലിൽ എത്തിച്ചേർന്നിട്ട് ഏകദേശം നാല്പതു നാളുകളിൽ അധികമായിരിക്കുന്നു..! സീതയെക്കുറിച്ചുള്ള ഓർമ്മകൾ എന്റെ ഹൃദയത്തെ കുത്തി നോവിച്ചുകൊണ്ടിരിക്കുകയാണ് ..!, വിഷാദപൂർണ്ണമായ നിമിഷങ്ങളിൽ ..., എന്നും ഞാൻ കടലിന്റെ നീലിമയിലെക്ക് നോക്കിക്കൊണ്ടിരിക്കും ...!
ഞങ്ങൾ ഒരിമിച്ചുള്ള നാളുകൾ മനസ്സിനുള്ളിൽ തികട്ടിവരുംതോറും ഞാൻ കൂടുതൽ കൂടുതൽ ദുഖാർത്തനായി മാറുന്നു ...!, എവിടെചെന്നാണ് അവളെ കണ്ടുപിടിക്കാനാകുക ...?, വിശാലമായ ഈ ലോകത്തിന്റെ ഏതു കോണിലാണ് ഞാൻ അവളെ തിരയുക ..?.. എന്തായിരിക്കും എന്റെ പ്രിയപ്പെട്ടവളുടെ ഇപ്പോഴത്തെ അവസ്ഥ ...? അസ്വസ്ഥമാകുന്ന മനസ്സ് നിരാശയുടെ പടുകുഴിയിലേക്ക് വീഴുന്നു ...?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ