കടലിൽ നിന്നും വീശിയടിക്കുന്ന നല്ല കുളിർമ്മയുള്ള കാറ്റ് എന്നിൽ അല്പം ഉന്മേഷം നിറച്ചു .., ദിവസങ്ങൾക്കു ശേഷമാണ് ഞാൻ സൂര്യ പ്രകാശം കാണുന്നത് .., ശുദ്ധവായു ഞാൻ അഞ്ഞാഞ്ഞു ശ്വസിച്ചു ...!

                              ഉള്ളിൽ അകാരണമായൊരു ഭയം....., എന്നിൽ ഒരിക്കലും ഉണ്ടാകാത്തതാണ് .....!

   
      പക്ഷേ ..., ഇപ്പോൾ അതെന്നെ  വലയം ചെയ്തിരിക്കുന്നു .., !, എങ്ങോട്ടാണിവർ എന്നെ കൊണ്ട് പോകുന്നത് ...? എന്താണ് ഇവരുടെ ഉദ്ദേശ്യം ...?, ഈ വക ചോദ്യങ്ങൾ എല്ലാം എന്റെ ഉള്ളിൽ കിടന്നു വീർപ്പു മുട്ടുന്നു ..!

                     അടുത്ത ഏതാനും നിമിഷങ്ങൾക്കുള്ളിൽ കപ്പലിന്റെ മുകൾ ഭാഗത്തുള്ള .., വിശാലമായൊരു മുറിയുടെ മദ്ധ്യഭാഗത്ത് അവർ എന്നെ കൊണ്ട് ചെന്നു നിറുത്തി ...!, എനിക്കു മുന്നിലായി ആ മുറിയുടെ ഒരറ്റത്ത് സിംഹാസനത്തോട്‌ സമാനമായ ഒരു ഇരിപ്പടത്തിൽ ..; തിളങ്ങുന്ന .., നെടുങ്കൻ കുപ്പായം ധരിച്ച രാജകീയ വസ്ത്രങ്ങൾ അണിഞ്ഞ .., ആജാനുബാഹുവായൊരു വെള്ളക്കാരൻ ഇരിക്കുന്നു .., അയാളുടെ ഇരുവശത്തുമായി ആയുധധാരികളായ രണ്ടു പേർ ..!

                         ആ കപ്പലിലെ വളരെ പ്രധാനപ്പെട്ട ഒരാൾ തന്നെയായിരിക്കും അതെന്ന് ഞാനൂഹിച്ചു ..!, ആ കണ്ണുകൾ എന്നെ ആപാദചൂഡം ഉഴിയുന്നു .., എന്തും നേരിടുവാനുള്ള ചങ്കൂറ്റത്തോടെ ഞാൻ അവർക്ക് മുന്നിൽ നെഞ്ചുവിരിച്ചു നിന്നു ...!

                         എനിക്കു ചുറ്റും ഭീമാകാരന്മാരായ ആ നാലുപേർ .., എന്നെ ബന്ധിച്ചിരിക്കുന്ന ചങ്ങലയുടെ ഒരറ്റം .., അവരിൽ ഒരാളുടെ കൈത്തണ്ടയിൽ ചുറ്റി വെച്ചിരിക്കുന്നു ..

                   അല്പ നിമിഷത്തെ നിശബ്ദതക്ക് ശേഷം .., ആ വെള്ളക്കാരൻ ഘനഗംഭീരസ്വരത്തിൽ തന്റെ അനുചരരോടായി എന്തോ  പറഞ്ഞു ...!

 അതെന്താണെന്ന് മനസ്സിലാക്കാൻ എനിക്ക് കഴിയുന്നില്ല .....! അയാളുടെ കണ്ണുകൾ .., ആപാദചൂടം എന്റെ ശരീരത്തിൽ ഒഴുകി നടക്കുന്നു ....!

               അയാൾ എന്റെ ശരീരത്തെ അളക്കുകയായിരിക്കണം ..!

              , Good health , good physique..!,  അത് മാത്രം എനിക്കു മനസ്സിലായി

          ;ഒന്ന് നിറുത്തി അയാൾ .., അവരുടെ മുഖത്തേക്ക് ഉറ്റു നോക്കിക്കൊണ്ട്‌ ചോദിച്ചു ...!

 ''am i correct...?'',  , ഒരു നിമിഷം അയാൾ അവരുടെ മറുപടിക്കായി കാത്തു ...!

      ''Yes your correct sir...."'!

                   പുച്ഛം കലർന്നൊരു ചിരി ആ മുഖത്ത് വിരിഞ്ഞു ...!

         ''Take him out....."!

                               അയാൾ പറഞ്ഞ് അവസാനിക്കുന്നതിനു മുൻപു തന്നെ .., ഭീമാകാരന്മാരായ ആ നാലുപേരും എന്നേയും കൂട്ടി തിരിച്ചു നടക്കാൻ ആരംഭിച്ചിരുന്നു ..!

            ആ യാത്ര അവസാനിച്ചത്‌ ; കപ്പലിന്റെ അടിത്തട്ടിലുള്ള ഒരു വലിയ കമാനത്തിനു മുന്നിലായിരുന്നു .., കൂട്ടത്തിലോരുവാൻ തന്റെ അരപ്പട്ടയിൽ നിന്നും കൂറ്റൻ ഒരു താക്കോൽ എടുത്ത് അത് തുറന്നു  ..!

                    ഒരു ഹുങ്കാരത്തോടെ എനിക്ക് മുന്നിൽ തുറക്കപ്പെട്ട ആ കമാനത്തിനുള്ളിലെ കാഴ്ച്ച എന്നെ  സ്തബ്ധനാക്കിക്കളഞ്ഞു ..!


                                                                   28


                      വിശാലമായ ആ മുറിക്കുള്ളിൽ ധാരാളം ആളുകളെ ചങ്ങലകളാൽ ബന്ധിച്ചിരിക്കുന്നു.., വെളിച്ചം കടന്നു ചെല്ലാൻ മടിക്കുന്ന ആ അറയിൽ അവർ തലങ്ങും വിലങ്ങും കിടക്കുന്നു .., പുതിയോരാളുടെ ആഗമനം ..; ആരുടേയും ശ്രദ്ധ ആകർഷിക്കുവാൻ പോന്നതായിരുന്നില്ല .., എന്നിരുന്നാലും ചില നിസ്സംഗതയാർന്ന നോട്ടങ്ങൾ എന്നിൽ പതിക്കുന്നത് ഞാൻ അറിഞ്ഞു.., എന്നെ കൂട്ടിക്കൊണ്ടു വന്നവരിലോരാൾ  ..; ചങ്ങലയുടെ ഒരറ്റം കപ്പലിന്റെ അടിത്തട്ടിൽ ഉറപ്പിച്ചിരിക്കുന്ന  ഇരുമ്പു വളയങ്ങളിൽ ഒന്നിൽ ബന്ധിച്ചു ...!

                അവിടെയുള്ള എല്ലാവരേയും അത്തരത്തിലുള്ള വളയങ്ങളിൽ തന്നെയാണ് ബന്ധിച്ചിരിക്കുന്നത്‌ ..!

                എന്നെ പൂട്ടിയ ആ ചങ്ങല അയാൾ ഒന്ന് വലിച്ചു നോക്കി ഉറപ്പ് ബോദ്ധ്യപ്പെട്ടതിനു ശേഷം  അവർ നാലുപേരും ആ മുറിയിൽ നിന്നും പിൻവാങ്ങി ...!, അവർക്ക് പിന്നിൽ ഒരു ഹുങ്കാരത്തോടെ ആ കമാനം ചേർന്നടഞ്ഞു ...!

                   കപ്പലിന്റെ പ്രകാശം നിറഞ്ഞ മുകൾത്തട്ടിൽ നിന്നും ...; താഴേത്തട്ടിലുള്ള ഈ ഹാളിലേക്ക് പെട്ടെന്ന് പ്രവേശിച്ചതിനാലായിരിക്കണം കടുത്ത അന്ധകാരമാണ് എനിക്കപ്പോൾ തോന്നിയത് എങ്കിലും .., ഇപ്പോൾ ആ അവസ്ഥക്ക് മാറ്റം വന്നിരിക്കുന്നു ..!

                  ഞാൻ ചുറ്റിലും ഒരു വിഹഗ വീക്ഷണം നടത്തി .., ഞാൻ ഉൾപ്പെടെ ഏകദേശം നാല്പത് പേരോളം ആ മുറിയിൽ ബന്ധിതരായിട്ടുണ്ട് ...!, എല്ലാവരും തന്നെ നല്ല ആരോഗ്യദ്രിഡഗാത്രരായ കറുത്ത വർഗ്ഗക്കാർ 18 നും 35 നും മദ്ധ്യേ  പ്രായമുള്ള യുവാക്കൾ ...!

                 കപ്പലിന്റെ വശങ്ങളിൽ കിളിവാതിലുകൾ പോലെയുള്ള നാല് ദ്വാരങ്ങൾ .., അതിൽ നിന്നും നേരിയ തോതിലുള്ള  പ്രകാശ കിരണങ്ങൾ അരിച്ചിറങ്ങുന്നു ..!.സന്ധ്യയായതിനാൽ ആയിരിക്കണം മങ്ങിയ വെളിച്ചമേ ഉണ്ടായിരുന്നുള്ളൂ ..!, പകൽ സമയങ്ങളിൽ ഇതിൽ നിന്നും കൂടുതൽ മാറ്റം പ്രതീക്ഷിക്കാം ..! കാറ്റിനും .., വെളിച്ചത്തിനും ആ കുഞ്ഞു കിളി വാതിലുകൾ മാത്രമാണ് ആശ്രയം ...!

                 ആരും ഒന്നും തന്നെ പരസ്പരം സംസാരിക്കുന്നില്ല .., എന്തിന് പരസ്പരം ഒന്ന് നോക്കുന്നു പോലുമില്ല  ..! എല്ലാവരും അവരവരുടേതായ ലോകത്ത് മുഴുകിയിരിക്കുന്നു .., അതിലൊരാളായി ഞാനും മാറിക്കഴിഞ്ഞു ...!

                  സീതയേക്കുറിച്ചുള്ള ഓർമ്മകളിലേക്ക് ചേക്കേറിക്കൊണ്ട് .., ഒരു തരം നിസ്സംഗതയോടെ ഞാൻ ആ കപ്പൽത്തട്ടിൽ ചാഞ്ഞിരുന്നു ..!

                    ഇതൊരു അടിമക്കപ്പലാണ് .., ഇവിടെ ബന്ധിതരായിരിക്കുന്ന എല്ലാവരും അടിമകൾ ..!, ഈ അടിമ വ്യാപാരത്തെക്കുറിച്ച് ഞാൻ ധാരാളം കേട്ടിട്ടുണ്ടായിരുന്നു ..!, യാതൊരു വിധ ദയാ ദാക്ഷ്യണ്യവും ഇല്ലാത്ത ക്രൂരമായ പെരുമാറ്റ ചട്ടങ്ങൾ ആയിരുന്നു അവർക്ക് വിധിച്ചിട്ടുണ്ടായിരുന്നത് ..!

                 ദരിദ്രരാജ്യങ്ങൾ ആയ ആഫ്രിക്കയിൽ നിന്നും മറ്റു അനുബന്ധ ദേശങ്ങളിൽ നിന്നും ആരോഗ്യദ്രിഡഗാത്രൻമാരായ യുവാക്കളെ ബലപ്രയോഗത്താൽ പിടിച്ചു കൊണ്ട് വന്ന് .., ഇംഗ്ലണ്ടിൽ കൊണ്ട് പോയി ലേലം ചെയ്ത് വിൽക്കുക ..!, കൂടുതൽ ആരോഗ്യമുള്ളവർക്ക് കൂടുതൽ തുക ലേലത്തിൽ ലഭ്യമാകും ...!

                     ജീവിത കാലം മുഴുവനും അടിമജീവിതം നയിക്കുവാനായിരിക്കും പിന്നെ അവരുടെ വിധി ..!, ശരിയായ ഭക്ഷണവും .., ജീവിത സൌകര്യങ്ങളും ഇല്ലാതെ ക്രൂര മർദ്ധനങ്ങൾ ഏറ്റ് കാലം കഴിക്കുന്നതിനിടയിൽ ..; ആരോഗ്യം ക്ഷയിച്ച് അവശരാകുന്നവരേയും ..., രോഗികളേയും.., കടലിൽ എറിഞ്ഞും ..., വെടിവെച്ചു കൊന്നും ക്രൂരമായതരത്തിൽ ഇല്ലായ്മ ചെയ്യുമായിരുന്നു ..!

                അടിമവ്യാപാരത്തിന്റെ ഏറ്റവും ക്രൂരമായ വശങ്ങളിൽ ഒന്നായിരുന്നൂവത് ..,!, ഈ അടിമക്കൂട്ടത്തിൽ ഒരാളായി ഞാനും മാറിക്കഴിഞ്ഞിരിക്കുന്നു എന്നെനിക്ക് ബോദ്ധ്യമായി ...!

                 മറ്റൊരുവന്റെ അടിമയായി ജീവിതകാലം മുഴുവൻ കഴിയുന്നതിനേക്കാൾ നല്ലത് മരണം വരിക്കുകയാണ്  ...!

                   ആരും പരസ്പരം ഒന്നും തന്നെ ഉരിയാടാതെ ശൂന്യതയിലേക്ക് ദ്രിക്ഷിട്ടികൾ നട്ടിരിക്കുന്നു .., പ്രതികരണശേഷി തന്നെ എല്ലാവരിലും നഷ്ട്ടമായിക്കഴിഞ്ഞിരിക്കുന്നു .., ഒരു പക്ഷേ ...; പ്രതികരിച്ചാലും ഫലമില്ലെന്ന് അറിയാവുന്നത് കൊണ്ടായിരിക്കാം ..!

                   ഇറച്ചിക്ക് വേണ്ടി അറക്കാൻ കൊണ്ടുപോകുപ്പെടുന്ന മൃഗത്തിന്റെ ദൈന്യഭാവം എല്ലാ മുഖങ്ങളിലും ..!, കുറിക്കപ്പെട്ടു കഴിഞ്ഞിരിക്കുന്ന വിധിയെക്കുറിച്ച് അവർ ബോധവാൻമാരായിരിക്കണം ..!

                      ഭാര്യയേയും ..., മക്കളേയും ..., അച്ഛനേയും .., അമ്മയേയും ..., ഉറ്റവരേയും .., ഉടയവരേയും .., പിരിഞ്ഞ് , അല്ലെങ്കിൽ മറ്റുള്ളവരാൽ ബലമായി പിരിക്കപ്പെട്ടു മൈലുകൾ അപ്പുറമുള്ള വേറൊരു ദേശത്തേക്ക് ഒരു പറിച്ചു നടൽ .., ഇനിയൊരിക്കലും അവർക്ക് തമ്മിൽ പരസ്പരം കാണുവാൻ സാധിക്കുകയില്ല .., പിറന്നു വീണ മണ്ണിലേക്ക് ഇനിയൊരിക്കലും ഒരു തിരിച്ചു വരവ് സാദ്ധ്യമല്ല ...! അവരുടെ കൊച്ചു കൊച്ചു സന്തോഷങ്ങളിൽ വലിയൊരു അശിനിപാതം വീണിരിക്കുന്നു ..!, സ്നേഹിക്കുന്ന മുഖങ്ങളെ ഇനിയൊരിക്കലും കാണാനാകില്ലെന്ന തിരിച്ചറിവ് എത്ര വലിയ നിരാശയാണ് ഉള്ളിൽ നിറക്കുക ...? എത്ര വലിയൊരു മുറിവാണ് അത് ഹൃദയത്തിനുണ്ടാക്കുക  ...?

                   ആ ഒരു വിങ്ങലാണ് താനും അനുഭവിക്കുന്നത് .., അതിന്റെ പ്രതിഫലനങ്ങളിൽ ഒന്നാണ്  നിസ്സംഗതയും .., ശൂന്യതയിലേക്ക് നോക്കിയുള്ള ഈ ഇരിപ്പും ..,തങ്ങൾക്കുള്ളതെല്ലാം നഷ്ട്ടപ്പെട്ടു കഴിഞ്ഞിരിക്കുന്നു .., ഇനി എന്ത് സംഭവിച്ചാൽ തന്നെ എന്താണ് ....?

              മണിക്കൂറുകളും .., ദിവസങ്ങളും കടന്നു പോകുന്നത് ഞങ്ങൾ അറിയുന്നില്ല .., ആ കിളിവാതിലിലൂടെ അരിച്ചിറങ്ങുന്ന പ്രകാശത്തിന്റെ തോത് അനുസരിച്ച് രാവും .., പകലും മാത്രം തിരിച്ചരിയാനാകുന്നുണ്ട് ..!