ആ ആശ്വങ്ങൾ ഞങ്ങളേയും വഹിച്ചുകൊണ്ട് .., ഏറെക്കുറെ വിജനമായ വീഥിയിലൂടെ അതിവേഗം പാഞ്ഞുകൊണ്ടിരുന്നു ...!
ഉച്ചത്തിലുള്ള വിളിയാണ് എന്നെ വിളിച്ചുണർത്തിയത് .., എപ്പോഴോ ക്ഷീണാധിക്യത്താൽ ഞാനൊന്ന് മയങ്ങിപ്പോയിരുന്നു ...!
മുന്നിൽ ചിരിച്ചുകൊണ്ട് അലക്സാണ്ടർ...!
''പ്രശസ്ഥനായ മലബാറിന്റെ വീരനായകന് ..., എന്റെ എളിയ ഈ ഭവനത്തിലേക്ക് സാദരം .., സ്വാഗതമോതുന്നു''..!
കണ്ണുകൾക്ക് മുന്നിൽ ഒരു കൊട്ടാരത്തെക്കാൾ പ്രൌഡിയോടെ .., അലക്സ്സാണ്ടരുടെ ഭവനം തലയുയർത്തി നിൽക്കുന്നു ...!
കണ്ണെത്താദൂരത്തോളം .., വിശാലമായി പരന്നുകിടക്കുന്ന ഒരു സമതല പ്രദേശത്താണ് ..; ആ ഭവനം സ്ഥിതിചെയ്യുന്നത് ..!
കൊട്ടാരം മുഴുവനും ദീപങ്ങളാൽ അലങ്കരിക്കപ്പെട്ടിരിക്കുന്നു ...!, മരണത്തിൽ നിന്നുമുള്ള അലക്സാണ്ടാറുടെ തിരിച്ചു വരവ് .., ഇതിനകം തന്നെ അവിടെ അറിഞ്ഞു കഴിഞ്ഞിരിക്കുന്നു ...!
കുടുംബാംഗങ്ങൾ മുഴുവൻ തന്നേയും ..,. ഞങ്ങളെ സ്വീകരിക്കുവാനായി.., വിശാലമായ ആ മട്ടുപ്പാവിൽ കാത്തു നിൽക്കുന്നു ...!
പ്രഭുവിന്റെ ജീവനും .., സമ്പത്തും സംരക്ഷിച്ച എനിക്ക് .., രാജകീയമായ സ്വീകരണമായിരുന്നു ഒരുക്കിയിരുന്നത് ..!
വീഞ്ഞും .., പാട്ടും ..., ആട്ടവും .., വിഭവ സമ്രദ്ധമായ സദ്യയും എല്ലാം ചേർന്ന ആഡംബരമായ സൽക്കാരങ്ങൾക്കൊടുവിൽ .., , ശയനോൻമുഖനായി ചായുമ്പോൾ നേരം ഏറെ വൈകിയിരുന്നു ...!
നിശയിൽ ..., പരസ്പരം വിടചൊല്ലുന്നതിനു മുൻപായി ..., ഒരിക്കൽക്കൂടി ..; അലക്സാണ്ടറുടെ ഉറപ്പ് എനിക്ക് ലഭിച്ചു ...!
''വിഷമിക്കാതെ ക്യാപ്റ്റൻ ..; താങ്കൾ സുഖമായി ഉറങ്ങൂ ...!., നാളെ മുതൽ .., താങ്കളുടെ പ്രിയപ്പെട്ട പത്നിയെ തേടിയുള്ള അന്വേക്ഷണം നമ്മൾ ആരംഭിക്കുകയാണ് ...''!
പതുപതുത്ത മെത്തയിൽ അമർന്നപ്പോഴേക്കും ..,നിദ്ര എന്റെ കണ്‍പോളകളെ തഴുകിക്കഴിഞ്ഞിരുന്നു ...!
34
നേരം നന്നേ പുലർന്നു കഴിഞ്ഞ് .., അലക്സാണ്ടറുമൊത്ത് .., ആ രാജകീയരഥത്തിൽ തുറമുഖത്തേക്ക്.., പുറപ്പെടുമ്പോൾ മനസ്സുമുഴുവൻ ഉൽക്കണ്ട കനം തൂങ്ങി നിൽക്കുന്നു ...!
എല്ലായിടത്തും ബഹുമാനപൂർവ്വമായ സ്വീകരണം ലഭിക്കുമാറ് .., വളരെയേറെ പ്രധാനപ്പെട്ട വ്യക്തിത്വത്തിന് ഉടമയായിരുന്നു അലക്സാണ്ടർ.
ഏറേ നേരത്തെ വൈഷമ്യകരമായ തിരച്ചിലിനൊടുവിൽ ..; ആ കപ്പലിന്റെ വിശദാംശങ്ങൾ ഞങ്ങൾ കണ്ടു പിടിക്കുക തന്നെ ചെയ്തു ...!
1664 ൽ ..,ലിസ്ബണിൽ ആണ് ആ കപ്പൽ കമ്മീഷൻ ചെയ്തിരിക്കുന്നത് ...!
പേര് , സെന്റ്‌ :മരിറ്റ,
കപ്പിത്താൻ ..., വില്യം ഹെന്റി .
വയസ്സ് , നാല്പത്തിയാറ് , സ്വദേശം : , ലിസ്ബൺ ., കപ്പലിന്റെ ഉടമസ്ഥനും അയാൾ തന്നെയാണ് ...!
കമ്മീഷൻ ചെയ്തതിനു ശേഷമുള്ള കപ്പലിന്റെ ആറാമത്തെ യാത്രയായിരുന്നൂവത് ...!, ലിസ്ബണിൽ നിന്നും ചരക്കുകളുമായി കാപ്പാട്ടെക്ക്.., നാല്പതു നാൾ നങ്കൂരത്തിനു ശേഷം .., അവിടെ നിന്നും സുഗന്ധദ്രവ്യങ്ങളുമായി തിരിച്ച് ലിസ്ബണിലേക്ക് ...!
ഏപ്രിൽ മാസം പതിനാലാം തീയ്യതി ..; കപ്പൽ സുരക്ഷിതമായി ലിസ്ബണിൽ എത്തി ചരക്കിറക്കിയിരിക്കുന്നു ...!
ഇപ്പോൾ അറ്റ കുറ്റ പണികൾക്കായി ലിസ്ബൺ തുറമുഖത്ത് നങ്കൂരമിട്ടിരിക്കുന്നു ..!
ആ കപ്പലിനെക്കുറിച്ചും .., അതിന്റെ ഉടമസ്ഥനും .., കപ്പിത്താനുമായ ഹെന്റിയെക്കുറിച്ചും ഉള്ള എല്ലാ വിവരങ്ങളും ശേഖരിച്ചതിനു ശേഷം .., ഞങ്ങൾ തുറമുഖത്ത് തന്നെ സ്ഥിതി ചെയ്യുന്ന .., അലക്സാണ്ടറുടെ ഉടമസ്ഥതയിലുള്ള സത്രത്തിലേക്കു പോയി ..!
രാജകീയമായ ഒരു മുറി അവിടെ എപ്പോഴും അദ്ദേഹത്തിനായി സജ്ജീകരിക്കപ്പെട്ടിരുന്നു ....!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ